Suenter trais dis en bara è l'anteriur papa Benedetg XVI vegnì sepulì en il dom da son Peder. Il papa Franzestg ha presidià la ceremonia durant il requiem sin la plazza da son Peder. Era sche Joseph Ratzinger sez aveva giavischà ina sepultura simpla, è blera glieud sa radunada per render la davosa onur a Benedetg XVI. La schandarmaria vaticana schazegia ch'i saja stà radund 50'000 persunas sin la plazza.
Papa Benedetg XVI era mort da Silvester en la vegliadetgna da 95 onns. L'avantmezdi dals 28 da december aveva Papa Francestg gia annunzià ch'i na giaja betg bain cun ses antecessur ed appellà dad urar per Joseph Ratzinger.
Suenter la messa è vegnì mess a ruaus Papa Benedetg XVI en la cripta dal dom da son Peder, sper blers auters papas che giaschan là. El ha vulì giascher là, nua che ses antecessur Gion Paul II era, avant che lez era vegnì en ina caplutta en il dom, suenter sia beatificaziun.
Staziuns en la vita da Papa Benedetg XVI
-
Bild 1 von 9. Naschì è Joseph Ratzinger ils 16 d'avrigl 1927. Bildquelle: KEYSTONE / EPA / ARCHUVESTGIEU.
-
Bild 2 von 9. Joseph Ratzinger tar ses emprim predi il 1977 sco archuvestg da Minca e Freising. Bildquelle: KEYSTONE / DPA / HARTMUT REEH.
-
Bild 3 von 9. Il 1978 sco Joseph Kardinal Ratzinger cun mamma Teresa ad in ritual cun chaschun dal di dals Catolics a Freiburg. Bildquelle: KEYSTONE / AP PHOTO / KNA.
-
Bild 4 von 9. Ils 19 d'avrigl 2005 sco novelegì Papa Benedetg XVI salida el peleginras e pelegrins sin la plazza san Peder. Bildquelle: KEYSTONE / EPA / VATICAN POOL / MARI.
-
Bild 5 von 9. Papa Benedetg XVI avant il dom da grip sin l'areal da la moschea Al-Aqsa a Gerusalem il 2009. Bildquelle: KEYSTONE / AP PHOTO / GPO.
-
Bild 6 von 9. Da lezzas uras il president dals Stadis Unids Barack Obama e sia dunna Michelle sin visita tar Papa Benedetg XVI il 2009. Bildquelle: KEYSTONE / AP PHOTO / HARAZ N. GHANBARI.
-
Bild 7 von 9. Benedetg XVI avant las medias cun da lezzas uras la presidenta da la Confederaziun Doris Leuthard il 2010. Bildquelle: KEYSTONE / EPA / FILIPPO MONTEFORTE / POOL.
-
Bild 8 von 9. La regina britannica Elisabeta II tar in audienza cun Papa Benedetg ad Edinburgh il 2010. Bildquelle: KEYSTONE / AP PHOTO DAVID CHESKIN / POOL.
-
Bild 9 von 9. L'ultima preschientscha uffiziala da Papa Benedetg XVI ils 28 da favrer 2013 cun ses messadi da cumià als cardinals en il Vatican. Bildquelle: KEYSTONE / AP PHOTO / L'OSSERVATORE ROMANO.
Ils onns 2005 fin 2013 era Benedetg XVI. il chau da la Baselgia catolica. Il 2005 è el vegnì elegì sco successur da Johannes Paul II. ed era uschia l'emprim Papa tudestg dapi bunamain 500 onns. Il 2013 aveva el – sco emprim papa dapi passa 700 onns – dà giu ses post. El na sa sentiva betg pli abel dad ademplir sia funcziun. Dapi lura viveva el ina vita fitg retratga en ina claustra en il Vatican.