Siglir tar il cuntegn

Header

Legenda: Keystone
cuntegn

Sin la vart dal nord Dapli lava a La Palma suenter ch'ina part dal vulcan è sballunada

Trais emnas suenter l'erupziun dal vulcan sin l'insla canara La Palma, han danovamain flums da lava destruì tut quai ch'è vegnì enta pe. Quai suenter che la vart dal nord dal cugn dal vulcan è sballunada. Tenor indicaziuns da l'institut spagnol per geologia è la lava stada uschè auta sco in bajetg da trais auzadas. Persunas na sajan dentant betg en privel. Radund 1'200 edifizis sajan fin uss vegnids destruids. Circa 6'000 persunas han ins evacuà. Experts supponan ch'il vulcan vegn a restar activ anc per in lung temp.

Divers terratrembels fin tar la fermezza da 4,1 sin la scala da Richter scrolan adina puspè il sid da l'insla.

video
Il vulcan sin l'insla La Palma
Or da RTR Social dals 27.09.2021.
laschar ir

RTR novitads 16:00

Artitgels legids il pli savens

Scrollar a sanestra Scrollar a dretga