La Plazza San Marco resta inundada e la branscha turistica lamenta grevas perditas. Possessurs d'abitaziuns da vacanzas han annunzià che passa in terz da las dimoras cudeschadas per ils proxims mais sajan vegnidas stornadas. En ils hotels muntan las annullaziuns a 15%. Possessurs da butias han schubregià lur fatschentas dad aua e lozza. Da las 120 baselgias èn la mesadad vegnidas inundadas. Scolas ch'èn atgnamain er avertas la sonda en l'Italia èn vegnidas serradas. Las bartgas dal traffic public, vaporetti, na curseschan betg.
RTR novitads 12:00