Siglir tar il cuntegn

Header

video
Impressiuns dal barat da praschuniers
Or da News-Clip dals 07.09.2019.
laschar ir. Durada: 27 Secundas.
cuntegn

Speranza en il conflict Ucraina e Russia barattan praschuniers

L'emprima giada dapi onns laschan la Ucraina e la Russia pussar lur disamicizia e barattan praschuniers. Plirs politichers russ descrivan quest'acziun sco mument istoric.

Entant è il barat da praschuniers tranter la Russia e la Ucraina terminà. Ils aviuns dals dus pajais èn atterads bunamain il medem temp als eroports da las chapitalas dals dus pajais. Quai rapportan las medias da Kiev e Moscau. Igl era planisà che mintga vart baratta 35 praschuniers. Quella cifra n'è però betg confermada.

Jau crai che quai è ina emprima etappa. E nus stuain tuts far in pass per finalmain metter ina fin a questa guerra terribla.
Autur: Wolodymyr Selenskyj president ucranais

Il president ucranais manegia la guerra en la Ucraina da l'Ost tranter las truppas da la regenzas da Kiev ed ils separatists che Moscau sustegn. El veglia er sa spruvar cun il schef dal Kremlin Wladimir Putin che ils praschuniers restants vegnian laschads liber.

Putin: «In'acziun umanitara»

Il schef dal Kremlin aveva annunzià il barat da praschuniers sco acziun umanitara. Quest barat fissi in bun pass en direcziun normalisaziun, ha el ditg la gievgia passada ad in forum d'economia. Er il ministeri da l'exteriur ha discurrì in «pass impurtant». Ins veglia nizzegiar questa atmosfera per schliar ulteriurs problems.

Preistorgia: Conflict tranter las duas republicas ex-sovieticas

Avrir la box Serrar la box

La Russia aveva annectà la peninsla Krim avant bun tschintg onns. Dapi il 2014 vegan plinavant parts da la regiun en l'Ucraina da l'Ost Donezk e Luhansk al cunfin cun la Russia controlladas da revoluzzers. Quels vegnan sustegnids da Moscau. Tenor las naziuns unidas èn almain 13'000 persunas mortas en ils cumbats.

RR novitads 15:00

Artitgels legids il pli savens