Suenter il terratrembel a Sicilia ch'è vegnì chaschunà dal vulcan Etna, ha la regenza deliberà 10 milliuns euros agid direct per la regiun pertutgada. La regenza ha er proclamà il stadi d'urgenza per la regiun. Entant èn ils terratrembels enturn il vulcan puspè sa calmads.
Nus na pudain anc betg sa calmar, uscheditg ch'i vegnan anc registrads terratrembels.
Ils terratrembels en radund dus kilometers profunditad inditgeschian tenor l'expert per vulcans ch'il squitsch entras il magma en la profunditad n'è anc betg sa bajegià giu cumplet.
Il vulcan Etna è in dals pli activs dal mund. I dat adina puspè terratrembels pli pitschens e pli gronds en la regiun. Mesemna passada ha in terratrembel da la fermezza 4,8 scurlattà la regiun da Catania. 28 persunas èn vegnidas blessadas. Passa 400 èn, tenor las autoritads, temporarmain senza suttetg.
RR novitads 06:00