Passa 70milli persunas a Midtown Manhattan e a la Upper West Side sajan stadas pertutgadas dal blackout. Staziuns da la metro sajan crudadas or ed er las grondas tavlas da reclamas al Times Square ed amplas sajan stizzadas. Er en il Rockefeller Center n'haja dà nagin current electric pli.
Ils pumpiers han salvà pliras persunas ord ascensurs che sajan medemamain stads airi. Quai rapportan las autoritads localas. La raschun da l’interrupziun saja stà in fieu en ina staziun da trafo.
Blackout dal 1977
Sin il di exact avant 42 onns era capità il grond blackout a New York. Lura era bunamain l'entira metropola paralisada per passa 24 uras. I aveva dà sblundregiadas ed acts da vandalissem en passa 1'000 butias. La polizia aveva arrestà pliras tschient persunas.
Duas ulteriuras pannas d'electricitad pli grondas avevi dà ils onns 1965 e 2003 a New York.
RR novitads 06:00