Siglir tar il cuntegn

Header

cuntegn

Stadis Unids da l'America Colorado excluda Trump da preelecziuns

L'anteriur president american Donald Trump na dastga betg sa participar a las preelecziuns dal 2024, en il stadi Colorado. Quai ha il tribunal suprem dal stadi federativ decidì. Ils derschaders da Colorado sa basan sin la constituziun americana, che cuntegn ina clausula davart far revolta.

Pervi da la rolla da Trump tar l'attatga da ses aderents, sin il capitol a Washington il schaner 2021 saja il topcandidat dals republicans exclus da la participaziun a las preelecziuns da l'onn proxim, hai num en l'argumentaziun da la dretgira. La squadra da Trump ha annunzià da far recurs al Tribunal suprem dals Stadis Unids. Lez ha ina maioritad conservativa da sis a trais, tranter quels trais commembers nominads da Trump.

RTR novitads 12:00

Artitgels legids il pli savens