En ils Stadis Unids è la chombra da represchentants bloccada suenter ch'ina maioritad ha vuschà da metter giu Kevin McCarthy, il parsura republican da la chombra.
L'impuls da distituir il parsura Kevin McCarthy han dà plirs chaus dirs republicans ch'èn stads malcuntents cun la lavur da l'uschenumnà speaker. Cun il sustegn dals democrats è la decisiun lura crudada – cun 216 cunter 210 vuschs. Igl è l'emprima giada en l'istorgia americana ch'in parsura da la chombra da represchentants ha pers sin questa via ses uffizi. Il pli baud l'emna proxima decida la chombra da represchentants davart la successiun da Kevin McCarthy. Fin lura è tut tschella lavur politica en il gremi messa sin glatsch.
audio
Per tadlar: curt e cumpact
ord RTR Audio dals 04.10.2023.
laschar ir. Durada: 52 Secundas.
