Ulteriuras indicaziuns n'ha Trump dentant betg fatg. Co la classificaziun duess funcziunar tar in moviment ch'ha strusch structuras organisadas n'è betg enconuschent.
La decisiun da Trump vegn amez ils protests cunter il mazzament dal afroamerican George Floyd entras in'acziun da la polizia. Il president american sco er ulteriurs represchentants dals republicans renfatschan a gruppas radicalas da la sanestra dad esser responsablas per ils cravals. Mussaments per questas renfatschas na datti dentant betg.
La violenza ed il vandalissem vegnan dirigids entras l'antifa ed ulteriuras gruppas da l'ala sanestra
Il president american aveva gia annunzià l'avust ch'el veglia classifitgar l'antifa sco organisaziun terroristica.