Ella po esser en buttiglias da plastic u stgatlas da conservas la substanza chemica bisfenol A curt BPA. En l’Europa è memia blera glieud exponida a questa substanza. Quai mussa in studi da l’agentura europeica per l’ambient. Il studi è vegni fatg en 11 pajais da l’UE.
Tut tenor pajais èn tar 70 enfin 100% da las participantas e participants al studi vegnidas mesiradas valurs da BPA memia autas. Gia en pitschnas dosas po il BPA donnegiar il sistem d’immunitad sco era chaschunar reacziuns da la pel allergicas u ina fertilitad restrenschida. Recipients ed emballaschas da plastic cuntegnan la substanza (in uschènumna «Weichmacher»).
