Las partidas da conflict en il Sudan han para suttascrit ina cunvegna per agid umanitar. La decleraziun oblighescha omaduas varts da laschar liber corridors per agid umanitar. Plinavant duain persunas civilas pudair fugir ord il territori da cumbat.
Legenda:
Ina scolasta ed uffants cuntinueschan cun l'instrucziun da scola. Els èn fugids da la guerra en il Sudan.
Reuters
L'armada sudanaisa e la gruppa paramilitara Rapid Support Forces han era suttascrit ina declaraziun ch'ellas vegnan ad empruvar da cuntanscher in a pausa da cumbat.
Quai rapportan pliras medias sa referind sin represchentants dals Stadis Unids ch'èn stads da la partida tar las tractativas. L'agentura da novitad franzosa annunzia plinavant ch'ella haja vesì ina copia dal document.
audio
Per tadlar: las novitads da las 06:00
ord RTR Audio dals 12.05.2023.
laschar ir. Durada: 5 minutas 19 Secundas.
