Dunnas en speranza dattan vinavant a lur pop ils anticorpuls suenter ina vaccinaziun da corona. Pli tard pon ellas er dar vinavant quels sur il latg-mamma. Quai resulta d'in studi american.
Tar las dunnas en speranza e las mammas che tezzan chaschunia la vaccinaziun in svilup fitg effectiv d'anticorpuls. Quai scrivan ils scienziads da l'universitad da Harvard e dal Massachusetts General Hospital a Boston.
En total han els examinà 131 dunnas, da quellas 84 en speranza, 31 che tezzan e 16 ni quai ni tschai. Tuttas èn vaccinadas u cun il vaccin da Pfizer/Biontech u cun quel da Moderna.