Siglir tar il cuntegn

Header

Navigaziun

purtret dal chancelier austriac Sebastian Kurz
Legenda: Er il chancelier Sebastian Kurz è sut squitsch. Keystone
cuntegn

Suenter video scandalus Il minister da l'intern austriac sto ir

En l'Austria è la regenza dretg-conservativa dada dapart pervi da l'affera da video. Tut ils ministers da la FPÖ han remess lur posts, uschia rapporta l'agentura da novitads APA.

Ils ministeris senza tgamun duain uss vegnir manads d'experts u auts emploidads fin las elecziuns anticipadas l'atun, ha ditg Kurz. I dat dentant er cuntervent per Kurz. La scheffa da la SPÖ, Pamela Rendi-Wagner, pretenda da midar ora l'entira regenza. Fin las elecziuns novas duai dar ina regenza transitorica. Ella appellescha er a las partidas da metter enavos lur agens interess.

Moziun da disfidanza

La partida d'opposiziun da la glista «Jetzt» cun Peter Pilz ha inoltrà al parlament in moziun da disfidanza cunter Kurz. Questa moziun pudess er la FPÖ sustegnair. Sche la moziun chatta en il parlament ina maioritad stuess il president dal pajais, Alexander Van der Bellen, incumbensà insatgi da furmar ina nova regenza. Kurz sto cumprarir glindesdi davant il parlament pervi dal votum.

Distatgà la crisa tranter las partidas da coaliziun, la partida conservativa ÖVP e la partida populista a dretga FPÖ, ha in video dal 2017 che la revista Spiegel e la Süddeutsche Zeitung han publitgà il venderdi. Pervi dal video ha il vice-chancelier Heinz-Christian Strache gia stuì demissiunar.

RR novitads 21:00