Trais dis suenter las elecziuns parlamentaras ha la primministra svedaisa, Magdalena Andersson, concedì sia terrada ed annunzià da demissiunar. Il champ conservativ-dretg haja cuntanschì ina maioritad en las elecziuns. Andersson è stada dapi il november passà primministra. Sia partida, ils socialdemocrats, era a la testa da la regenza dapi otg onns.
Conservativs e democrats svedais vulan furmar nova regenza
Il schef dal champ conservativ-dretg, Ulf Kristersson, ha annunzià da vulair cumenzar da furmar ina nova regenza. In dals partenaris da Kristersson en il champ èn ils uschenumnads Democrats svedais. Questa partida ha cuntanschì en las elecziuns in fitg bun resultat. Ulf Kristersson sto uss s'arranschar cun la partida che stat lunsch a la dretga per la nova regenza.