Siglir tar il cuntegn

Header

cuntegn

Swiss Re Catastrofas da la natira chaschunan gronds donns

Enturn l’entir mund han catastrofas da la natira chaschunà donns assicurads da 35 milliardas dollars entaifer ils emprims sis mais da l’onn current. Sco l’institut Swiss Re schazegia provisoricamain, sajan principalmain inundaziuns e stemprads responsabels. Ils custs sajan uschia radund in tschintgavel pli auts che la media dals davos 10 onns. Latiers vegnian anc trais milliardas dollars per donns chaschunads dals umans.

Il reassicurader schazegia dentant che las catastrofas da la natira hajan chaschunà donns economics da 75 milliardas dollars. La media dals davos 10 onns èn 80 milliardas dollars.

Ils experts dal concern vesan la midada dal clima sco in dals pli gronds ristgs per la societad e l’economia globala. Anc na sajan trais quarts da las catastrofas da la natira betg assicurads.

audio
Per tadlar: las novitads da las 12:00
ord RTR Audio dals 02.08.2022.
laschar ir. Durada: 4 minutas 39 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga