Siglir tar il cuntegn

Header

Video
«Hagibis» Il pli ferm taifun dapi il 1958
Or da SRF News dals 12.10.2019.
laschar ir
cuntegn

Taifun «Hagibis» Dumber d'unfrendas en il Giapun crescha

  • In extrem ferm taifun ha suflà sur Tokio e conturn cun fermas plievgias.
  • Almain 23 persunas èn mortas.
  • Passa 160 persunas sajan vegnidas blessadas e pliras sajan sparidas.
  • Il stemprà è la notg sa muventà da Tokio en direcziun nordost.

Quellas cifras ha annunzià l'emettur giapunais NHK.

I haja dà inundaziuns, plantas derschidas hajan bloccà vias e lingias da viafier. Chasas sajan vegnidas donnegiadas. Quant grond ch’il donn material è, n’è anc betg cler. Per Tokio e conturn ha vali il pli aut stgalim d’alarm. Las autoritads han appellà a passa 7,3 milliuns umans da bandunar lur chasas.

Taifun sa mova vinavant

La notg è il taifun sa muventà da Tokio en direcziun nordost, en la regiun da Fukushima nua ch’i aveva dà ina catastrofa traidubla il 2011. En il Giapun datti mintg’onn en media radund 20 taifuns. La chapitala è dentant normalmain betg pertutgada pli fitg.

RR novitads 06:00++