Siglir tar il cuntegn

Header

video
Taifun Hagibis chaschuna emprims donns
Or da News-Clip dals 12.10.2019.
laschar ir. Durada: 1 minuta 15 Secundas.
cuntegn

Malauras en il Giapun Taifun Hagibis chaschuna plirs morts

En il Giapun è il dumber d’unfrendas suenter il taifun «Hagibis» s’augmentà sin almain 11. Passa 100 persunas sajan vegnidas blessadas e pliras sajan sparidas.

Pervi dal privel da fitg ferma plievgia han las autoritads proclamà il pli aut grad d’avertiment per la chapitala Tokio. Plinavant duain passa in milliun persunas en la part centrala ed en l’ost dal Giapun ir en segirezza, uschia las autoritads.

En ina provinza vischinanta da Tokio hai en pli dà in terratrembel, cun ina fermezza da 5,7. In privel da tsunami na dettia però betg.

Pliras persunas èn mortas, pliras blessadas

En la provinza Chiba han suffels da stemprà donnegià chasas. Almain duas persuna èn mortas. In um da 49 onns è mort datiers da Tokio, cura che ses camiun è cupitgà pervia dal stemprà. Almain tschintg persunas sajan vegnidas blessadas cura ch’ils vents hajan stratg davent il tetg d’ina chasa. Quai ha rapportà la televisiun giapunaisa. Las autoritads han appellà a 100'000 da persunas d’ir en segirezza. Meteorologs quintan a Tokio ed en autras regiuns en l’ost dal Giapun cun las pli fermas plievgias dapi 60 onns.

Annullà sgols e serrà butias

Pliras staziuns da tren han a temp avertì per la fin d'emna ina restricziun dal traffic da viafier, quai per il vest e l'ost dal Giapun inclus Tokio. Societads aviaticas giapunaisas han stritgà la gronda part da lur sgols dad oz. Bleras butias da cumpra restan la sonda serradas. Ultra da quai è la qualificaziun per il Grond Premi da la Furmla 1 sin il Suzuka International Racing Course vegnida spustada sin la dumengia.

RR novitads 06:00++

Artitgels legids il pli savens