Siglir tar il cuntegn

Header

cuntegn

Terz quartal 2020 Banca naziunala svizra fa tut per flaivlentar il ferm franc

La Banca naziunala svizra ha er intervegnì il terz quartal da l’onn als martgads da devisas per flaivlentar il franc: Dal fanadur fin il settember hajan las intervenziuns muntà a totalmain 11 milliardas francs. Quai demussa ina statistica da la banca naziunala.

Cumpareglià cun l’emprima mesadad da l’onn saja il volumen da las cumpras da devisas sa reducì. L’emprima mesadad aveva la SNB impundì 90 milliardas francs per flaivlentar il ferm franc svizzer: 38,5 milliardas en l'emprim quartal e 51,5 milliardas en il segund quartal.

Nov onn da record

Gia uss è cler che las intervenziuns da la SNB n'eran mai pli grondas che durant l'onn da corona 2020. Fin uss valeva sco onn da record il 2015 nua che la SNB ha cumprà per 86,1 milliardas farncs devisas. Da vart dals Stads Unidas chaschuna quai dentant critica. Là vegn la Svizra ussa classifitgadas sco manipulatura monetara. La SNB ha dentant immedit refusà questa critica.

Ord l'archiv

RTR novitads 11:00

Artitgels legids il pli savens

Scrollar a sanestra Scrollar a dretga