La Banca naziunala svizra BNS ha fatg ina perdita da passa 38 milliardas francs en l’emprim quartal. Sco la BNS scriva, saja la perdita d’attribuir en emprima al svilup negativ dals martgads da finanzas pervi da la crisa da corona sco er en quel connex al pli ferm franc svizzer.
Il 2019 aveva la BNS anc fatg in gudogn da 49 milliardas francs. Da quel gudogn fissi previs che Confederaziun e chantuns survegnissan 4 milliardas francs – il chantun Grischun 62 milliuns francs. Sche la Banca naziunala svizra paja ora – malgrà sia perdita actuala – quellas 4 milliardas francs a la Confederaziun ed als chantuns decida la radunanza generala da la BNS quest venderdi.
audio
Per tadlar: Las novitads da las 12:00
ord Novitads dals 23.04.2020.
Maletg: RTR
laschar ir. Durada: 5 minutas 48 Secundas.
