Pervi da bleras infecziuns da corona augmenta la regenza da l’Israel il squitsch da dar ina terza squitta vaccin da corona. Era quels u quellas ch'èn vegnids testads positiv sin corona ston il pli tard sis mais pli tard laschar vaccinar. L’uschenumnà «Pass verd», che funcziuna sumegliant sco il certificat en Svizra, duai dapi oz mo pli valair enfin in mez onn suenter la segund dosa. Lura saja ina terza squitta necessaria. Pervi da problems tecnics hajan ins però stuì spustar quella nova regla per intgins dis. Il «Pass verd» vala en l'Israel per bunamain tut ils secturs da la vita publica.
Emprim pajas cun terza dosa
Var 61% da la populaziun da rodund 9,4 milliuns abitants da l'Israel han gia gì duas vaccinaziuns, var 37% trais vaccinaziuns. Premissa è che la segunda vaccinaziuns è gia vegnida fatga avant almain tschintg mais. La fin fanadur ha l'Israel cumenzà, sco emprim pajais insumma, a dar la terza dosa. Scolastas e scolasts senza «Pass verd» che na vulan betg sa laschar testar sin corona vegnan a partir dad oz dumengia dispensads.
