Pajais en il nord èn er quest onn sisum la rangaziun sch'i va per la cuntentientscha. Sper la Finlanda han er il Danemarc, l'Islanda e la Svezia pievels cuntents. La Svizra ha pers en cumperegliaziun cun l'onn passà ina plazza ed è da nov sin rang nov.
Per il rapport han ils scienciads resguardà il temp da 2021 enfin 2023 e valità stimaziuns subjectivas da la populaziun. Facturs impurtants per esser cuntent èn tenor las scienciadas tranter auter sustegn social, entradas finanzialas, libertad e nagina corrupziun. Plinavant giogia er la confidenza en la regenza e las instituziuns ina gronda rolla.
Da l'autra vart da la stgala da cuntentientschà è l'Afganistan, tenor il rapport saja il pievel afgan il pli malcuntent dal mund.
| 1. | Finlanda | |
| 2. | Danemarc | |
| 3. | Islanda | |
| 4. | Svezia | |
| 5. | Israel | |
| 6. | Pajais Bass | |
| 7. | Norvegia | |
| 8. | Luxemburg | |
| 9. | Svizra | |
| 10. | Australia |
Or da l'archiv