Il schef da Twitter Elon Musk ha annunzià sia demissiun sco schef da Twitter. El haja chattà ina successura sco CEO che cumenzia en 6 emnas, ha Musk ditg.
Midada spetgada
Il num da la nova CEO n'ha el betg tradì. Gia il 2022 cun surpigliar Twitter suenter ina transacziun da 44 milliardas dollars aveva Musk annunzià da manar Twitter mo enfin d'avair chattà ina successiun.
Musk ha er fatg in'enquista sin la rait sociala: Duai el demissiunar sco CEO u betg? 57% avevan preferì quai. Musk è cunzunt vegnì crititgà da politichers e persunas en las medias pervia da sias vistas davart la libertad da manifestar l'atgna opiniun.
audio
Per tadlar: las novitads da las 06:00
ord RTR Audio dals 12.05.2023.
laschar ir. Durada: 5 minutas 19 Secundas.
