Siglir tar il cuntegn

Header

Video
Emprima reacziun da Pete Buttigieg sin ils resultats ad Iowa
Or da News-Clip dals 05.02.2020.
laschar ir
cuntegn

USA: Preelecziuns Iowa Pete Buttigieg maina avant Bernie Sanders

Suenter il caos tar las preelecziuns en il stadi federativ dad Iowa han ils democrats finalmain preschentà ils emprims resultats provisorics.

Suenter che passa 60% dals districts electorals ad Iowa èn dumbrads ora, maina Pete Buttigieg. Quai ha communitgà la Partida democratica en la chapitala Des Moines. Pete Buttigieg è l'anteriur president da la citad South Bend en il stadi federativ dad Indiana. Cun 38 onns è el er il pli giuven dals candidats dals democrats.

Sin il segund plaz suonda il senatur Bernie Sanders. Sin il terz plaz la senatura Elizabeth Warren e sin il quart plaz l’anteriur vicepresident Joe Biden.

Cura ch'ils resultats finals vegnan publitgads, n'è anc betg enconuschent.
Tar las preelecziuns voteschan democrats e republicans davart il meglier candidat per la presidenza da lur partida. Tar ils democrats è la situaziun interessanta, cunquai ch’i dat 11 candidats. Tar ils republicans ha il president en uffizi, Donald Trump, gudagnà cleramain ad Iowa.

Ils 11 da favrer suondan las proximas preelecziuns a New Hampshire. L'elecziun dal president u da la presidenta è lura ils 3 da november.

RTR novitads 06:00

Dapli da Exteriuravrir la Landingpage

Nach links scrollen Nach rechts scrollen