Siglir tar il cuntegn

Header

video
Sara Fiorelli – in'ustiera ed il coronavirus
Or da Telesguard dals 10.03.2020.
laschar ir
cuntegn

Valtellina Sara Fiorelli – in'ustiera ed il coronavirus

Gia durant l'entira emna passada hajan ins sentì ch'igl aveva pli paucs giasts. Dapi glindesdi èsi era scumandà da prender si novs giasts.

L'hotel da Sara Fiorelli è a San Martino. In vitg, nua ch'ins ha bler turissem da viandar. Quest turissem manca ussa. La gronda part dals abitants da San Martino van tuttina tut normal a far cumpras u a baiver café en l'ustaria da l'hotel da Sara Fiorelli. Però er il baiver café è daventà auter, raquinta Fiorelli. Ils giasts da l'ustaria ston prender plaz vi d'ina maisa e na pon betg pli restar vi da la bar.

Nagina tema, ma esser conscient

Fiorelli ha sezza er trais uffants. En Italia èn tut las scolas serradas pervi dal coronavirus. Tuttina han ils scolars da San Martino lecziuns da scola. Quai via skype. Il mender è ch'ils uffants na possian betg pli ir a far sport u hobis ch'els faschevan normalmain.

Tema dal coronavirus n'ha Sara Fiorelli betg. Ella è conscienta dal virus e sa tegna simplamain vi da las recumandaziuns che vegnan dadas, ha però er la speranza che la situaziun sa calma enfin ils 3 d'avrigl. Fin lura ha la regenza taliana decretà mesiras severas.

RTR actualitad 11:00

Artitgels legids il pli savens

Scrollar a sanestra Scrollar a dretga