Mintg'onn ils 6 da matg vegnan saramentads ils novs gardists da la guardia papala a Roma. Tranter ils 23 gardists da quest onn èn er trais Grischuns e dus rumantschs. Ils 23 gardists vegnan da tut las parts da la Svizra e vegnan ad engirar en lur linguas maternas:
- 12 da lingua da tudestga,
- 7 da lingua franzosa
- 2 dus da lingua taliana e
- 2 da lingua rumantscha (Livio Niedermann da Domat, Diego Marcello Muolo da Schlarigna).
Martin Candinas e Viola Amherd
Da la Svizra far part in'entira delegaziun a las festivitads. Manada vegn la delegaziun da la ministra da la defensiun Viola Amherd, il president dal Cussegl naziunal Martin Candinas e la presidenta da Cussegl dals chantuns Brigitte Häberli-Koller. Il papa ha beneventà Viola Amherd la sonda avantmezdi, quai ha communitgà il servetsch da pressa da la Sontga Sedia.
Papa discurra cun ils gardists avant la saramentaziun
Sco mintg'onn è il papa Francestg s'adressà als gardists, la guardia saja ina gronda famiglia, ina cuminanza viva e fraterna e sco en mintga famiglia emprendian ins bler per la vita, uschia il papa. La bun'ura hai dà ina messa en il dom da son Peder, il cardinal svizzer Kurt Koch ha celebrà quella. La messa è vegnida accumpagnada d'in chor da l'Argovia, il chantun osp da quest onn. La saramentaziun ha lura gì lieu las 17:00 en la curt Damsus dal palaz Apostolic.
Or da l'archiv
