Siglir tar il cuntegn

Header

Navigaziun

cuntegn

World Skills Svizra gudogna 5 titels da campiun mundial

Al campiunadi mundial da professiuns a Kasan en la Russia, ha la Svizra gudagnà 5 titels. Sper quels ha l'equipa svizra er gudagnà ulteriuras 11 medaglias.

Ils tschintg titels van a:

  • Martina Wick (SG), emploiada da restauraziun
  • Sonja Durrer (OW), pasternera-pastiziera
  • Renato Meier (AG), tschentaplattas
  • Florian Baumgartner (BE), electronist
  • Mario Enz (OW) e Fabian Hodel (LU), ortulans da cuntrada

En total èn stads 39 Svizras e Svizzers da la partida. Sper 16 medaglias hai dà 13 diploms. In da quels hai er dà per il fresader Markus Hintermann da Panaduz e l'installatur electric Boije Widrig da Cuira.

Cun ses success ha la Svizra cuntanschì en la rangaziun da las naziuns il plaz trais davos la China e la Corea. En total èn 1'600 giuvens cun emprendissadi terminà ord 63 naziuns sa participads als World Skills, al campiunadi mundial da professiuns.

L'informaticher da Genevra, Nicola Ettlin ha gudagnà la medaglia d'argient. Cun 17 onns è el tenor las indicaziuns da l'organisaziun il pli giuven participant svizzer ed il sulet che n'ha anc betg terminà ses emprendissadi.

Ord l'archiv

Legenda: Guardar il video Per tge vai als World Skills?. Durada 02:21 minutas.
Or da Battaporta dals 09.10.2017.

RR novitads 21:00