Las autoritads grischunas quintan ch'ils cas da corona vegnan vinavant a crescher las proximas emnas. Quai scriva il post da communicaziun coronavirus dal chantun. Damai che purtar consequentamain ina mascrina saja ina da las mesiras cun il meglier effect per proteger d'infecziuns, prolunghescha il Chantun l'obligatori da purtar mascrina en las scolas.
L'obligatori da mascrina gidia da pudair cuntinuar cun l'instrucziun da preschientscha, e dad uschia garantir che tut las scolaras e scolars survegnian ina buna scolaziun. Perquai valan las mesiras introducidas ils 9 da december 2021 vinavant.
Fin ils 5 da mars vala l'obligatori da purtar mascrina:
- per la terza classa enfin tar il stgalim superiur, sco er en ils progimnasis.
- en spazis interns sin l'areal da las instituziuns da furmaziun dal stgalim secundar II.
