Siglir tar il cuntegn

Header

cuntegn

«0712 – Tut enturn il sport» Chantun cuntent cun plan polisportiv

Mussar ad uffants ina vasta paletta da disciplinas da sport e furmas da moviment. Quai è la finamira dal program «0712 – tut enturn il sport». Il program è vegnì lantschà da l'Uffizi da scola populara e sport.

En il Grischun ha cumenzà l'avust il nov program polisportiv «0712 – Tut enturn il sport», introducì dal chantun. Sco lez scriva, sajan ins fitg cuntent cun il success: gia 12 uniuns e scolas nizzegian il program ed i haja gia dà duas scolaziuns da magisters e magistras.

«0712» cuntegn duas giadas 35 lecziuns da sport che cumpiglian tuttas furmas da moviment. Perquai che quellas èn confurmas al Plan d'instrucziun 21 e Giuventetgna+Sport pon scolas ed uniuns duvrar quellas directamain. Il sustegn finanzial dal chantun per las organisaziuns participantas è per entant garantì fin l'onn 2025.

audio
Per tadlar: las novitads da las 09:00
ord RTR Audio dals 03.10.2022.
laschar ir. Durada: 3 minutas 10 Secundas.

RTR novitads 09:00

Artitgels legids il pli savens