266'000 francs - Chantun sustegna project da digitalisaziun en Engiadina
La regenza grischuna ha concedì a l’Engiadina Turissem SA ina contribuziun chantunala da 266'000 francs per in project da transfurmaziun digitala en l’Engiadina cun il num «Furniturs da prestaziuns sco sellpoints decentrals».
Per ils emprims tschintg onns da gestiun èn ils custs dal project budgetads cun radund 959'000 francs.
Il project da l'Engiadina Turissem SA ha en mira la digitalisaziun consequenta da servetschs, da products e da process relevants per il turissem. Furniturs da prestaziuns duain vegnir sustegnids en la transfurmaziun digitala per lung da la chadaina da servetschs turistics, cun la finamira da mantegnair la cumpetitivitad da la regiun turistica er en l’avegnir ed a lunga vista.
