Siglir tar il cuntegn

Header

cuntegn

Abus en baselgia catolica Il rapport da l'uvestg è uss a Roma

L'uvestg da Cuira Joseph Maria Bonnemain ha terminà ses rapport en connex cun las renfatschas d'abus sexual ch'igl aveva dà cunter plirs commembers da la Conferenza svizra dals uvestgs ed auters spirituals. La documentaziun da 1'800 paginas saja entant vegnida preschentada e surdada al Vatican, communitgescha l'uvestgieu da Cuira. Cun quai è terminada l'incumbensa da l'uvestg Joseph Bonnemain.

Il rapport cuntegnia ina retscha da conclusiuns e cussegliaziuns per mauns dals responsabels dal Vatican. Suenter las grevas renfatschas envers plirs uvestgs e spirituals ch'èn per part anc en uffizi aveva Papa Francestg incumbensà la stad passada l'uvestg da Cuira cun l'inquisiziun canonica.

Ussa sto il Vatican s'occupar da las actas. Il studi da las actas tras la curia romana vegnia a cuzzar in amen. Conclusiuns e decisiuns en chaussa vegnian communitgadas a temp.

Las renfatschas

Fin l’onn 2023 avev'ins udì en Svizra da cas singuls u da reproschas dad abus sexual en la baselgia catolica. Ils 12 da settember ha la gruppa da perscrutaziun da l’Universitad da Turitg preschentà il studi davart ils abus sexuals en il conturn da la baselgia catolica. Igl èn vegnids identifitgads 1002 cas. Quai è l'emprim studi cumplet ed independent en Svizra che mussa las dimensiuns dals ultims 70 onns.

Or da l'archiv:

video
Passa 1000 cas d'abus documentads en la baselgia catolica entaifer ils davos 70 onns
Or da Telesguard dals 12.09.2023.
laschar ir. Durada: 2 minutas 49 Secundas.

RTR novitads 15:00

Artitgels legids il pli savens