A Claustra en il Partenz èn venderdi suentermezdi dus skiunzs vegnids tschiffads d'ina lavina durant ina tura da skis. Sco quai che la polizia chantunala dal Grischun ha communitgà, èn tuts dus skiunzs da turas morts. Ils dus skiunzs dal chantun Berna sajan stads da viadi da la chamona da Silvretta en direcziun da Claustra cura ch'ina lavina haja tschiffà els. La lavina haja stgarpà cun ils skiunzs var 200 meters.
Commembers dal salvament alpin Grischun, da la REGA e da la polizia alpina èn stads en acziun per salvar ils umens. La procura publica investighescha en chaussa.
