Era quatter onns suenter l’avertura da la Sinergia datti numerus biros chantunals en l’entira citad da Cuira. Malgrà ch’il chantun aveva fatg reclama il 2011 a favur da la Sinergia tranter auter suandantamain:
En 44 lieus sparpagliads en la citad da Cuira na po l’administraziun chantunala betg esser organisada da maniera effizienta. Cun vender biros per 21 milliuns francs restian 48 milliuns per pajar la Sinergia che custia 69 milliuns. E cun reducir il spazi [contracts da fit] possian ins spargnar 1,2 enfin 1,9 milliuns francs mintg’onn.
Però: cun l’augment dal persunal per 281 persunas en consequenza da novas incumbensas ch’il chantun ha stuì surpigliar aifer ils ultims 10 onns, èn las novas capacitads da la Sinergia per ina buna part puspè duvradas si. Critichers dian: La Sinergia è stada concepida memia pitschna ed è stada memia chara per quai ch’ella ha purtà.
Ina cumparegliaziun grafica
Il video mussa la situaziun dal 2019, co igl è stà planisà da far midadas.
La grafica mussa la situaziun actuala. Ina part dals contracts da fit per il chantun èn anc adina en funcziun (puncts cotschens). Da las immobiglias che tutgan al chantun, è il chantun be pli en duas (puncts violets).
Il bajetg a la Grabenstrasse 89 che dueva vegnir vendì, e la nova sedia per la nova Dretgira superiura.
