Siglir tar il cuntegn

Header

cuntegn

Agid social en temps da corona Quota en il Grischun è restada stabila durant il 2020

La quota d'agid social en il Grischun è restada stabila durant l'emprim onn da corona. Il 2020 han 2'588 persunas duvrà sustegn finanzial. Quai èn 59 dapli che l'onn avant, sco las novas cifras dal servetsch social mussan. La quota è cunquai restada tar 1,3% ed è ina da las pli bassas en Svizra. La media svizra è tar 3,2%.

Pervi da la situaziun difficila sin il martgà da lavur durant corona èsi però reussì a damain persunas da far il pass ord l'agid social. Il 2019 eran quai stadas 221 persunas, l'onn da corona però be 135.

Gruppas da societad cun la pli auta ristga d'agid social

Las gruppas socialas cun il pli aut ristg d’agid social n'èn strusch sa midadas. Uffants e giuvenils èn cleramain pli pertutgads da l’agid social che tut las autras gruppas da vegliadetgna. En la categoria da vegliadetgna da 0 fin 17 onns munta la ristga da l’agid social en il Grischun a 2,6%.
Uschia è la quota d’agid social en questa gruppa da vegliadetgna dubel uschè gronda sco la media chantunala. Quai pervia che chasadas da famiglia èn savens dependentas dal sustegn da l’agid social.

Famiglias d’ina persuna che educhescha suletta èn periclitadas cleramain pli fitg che tut ils auters tips da tegnairchasa. La cumpart da las chasadas che retiran agid social sa chatta en il chantun Grischun tar 1,6%. La cumpart da las chasadas cun in genitur che retiran agid social munta a 13,5%.

audio
Per tadlar: curt e cumpact
ord RTR Audio dals 12.07.2022.
laschar ir. Durada: 1 minuta 51 Secundas.

RTR novitads 09:00

Artitgels legids il pli savens

Scrollar a sanestra Scrollar a dretga