L'Allianza dal center dal Grischun ha decis las parolas per ils projects da votaziun dals 18 da zercladur. A lur radunanza a Domat mesemna saira han las delegadas ed ils delegads ditg Gea a tut las trais fatschentas. Ils Gea per la lescha per la protecziun dal clima e per la taglia minimala da la OECD èn stads unanims. Tar la lescha da covid hai dà ina cuntravusch.
Cumià da Mario Cavigelli
Las delegadas ed ils delegads da l'Allianza dal center han plinavant prendì cumià uffizialmain da lur anteriur cusseglier guvernativ Mario Cavigelli sco commember da la regenza grischuna. Cavigelli, che stat a Domat, è stà dal 2011 fin ils 2022 en la regenza grischuna.
