Tar l'emprim stgalim vai per reducir il consum d'energia en tut ils edifizis dal chantun per almain 15%. Quai tranter auter cun sbassar la temperatura sin maximalmain 20 grads, stgirentar la glisch u restrenscher il diever d'ascensurs. Plinavant duain viadis da servetsch vegnir reducids e collavuraturs e collavuraturs lavurar davent da chasa.
Il segund stgalim prevesa da limitar uras da manaschi e d'avertura da biros. Plinavant vegnan glischs e ventilaziun tschentadas giu cumplettamain ordaifer il temp da manaschi.
Tar il terz stgalim vai lura per mesiras rigurusas, sco prender or da funcziun singuls manaschis u edifizis. Ils plazs da lavur duain vegnir concentrads en paucs edifizis ed i desss in obligatori da lavurar parzialmain u cumplettamain davent da chasa.
L'Uffizi chantunal da construcziun auta ha survegnì l'incumbensa da la regenza da instradar ils dus emprims stgalims, pass per pass. Per il terz stgalim elavura l'uffizi in plan da detagl e preschenta quel a la regenza – per ina decisiun separata.
