Siglir tar il cuntegn

Header

cuntegn

Analisa da DNA Luf sajettà è stà il bab dal triep dal Beverin

L'analisa genetica ha mussà, ch'il luf ch'è gia vegnì sajettà ils 8 da november, è stà il bab dal triep da Beverin. Quai ha il chantun communitgà. Per quel ha il chantun Grischun gì ina lubientscha da sajettar.

La surveglianza da chatscha ha sajettà il bab dal triep dal Beverin la notg sin ils 9 da november en la Val Stussavgia. Quest mastgel haja stgarpà pliras giadas nursas da muntaneras protegidas en la Val Stussavgia.

audio
Per tadlar: Arno Puorger davart il mastgel sajettà
ord RTR Audio dals 10.11.2022. Maletg: RTR
laschar ir. Durada: 16 Secundas.

Plinavant ha il chantun Grischun rapportà ch'il triep sa tegnia vinavant ensemen. 10 dis suenter la mort dal bab dal triep, ha ina trapla da foto mussà la mamma dal triep e sis luffins da quest onn ensemen sin la Muntogna da Schons.

Il chantun Grischun vul survegliar il triep, e perquai marcar in luf dal triep cun in emettur da GPS.

RTR novitads 12:00

Artitgels legids il pli savens