Siglir tar il cuntegn

Header

cuntegn

Animals da chasa 89 francs il mais per chauns e giats

Anina Nagy è dapi 11 onns veterinaria d'animals pitschens e gronds. Perquai ch'ils animals da chasa tutgian tar la famiglia sajan las possessuras ed ils possessurs en general era pronts d'investir blers daners.

Animals da chasa
Legenda: Animals da chasa Keystone

Pavel, ina nova tschinta per il chaun u las visitas profilacticas tar la veterinaria . Tut quai ed anc ulteriurs custs nunspetgads ston possessurs e possessuras d'animals da chasa pajar. Tenor L'Uffizi federal da statistica dat mintga dachasa ora radund 30 francs il mais per ils animals da chasa. Sch’ins resguarda sulettamain possessuras e possessurs da chauns e giats èsi schizunt 89 francs il mais.

Ils blers èn pronts da pajar bler per lur animal da chasa. Ma cunzunt en la champagna fa la glieud anc ina differenza tranter carstgaun ed animal.
Autur: Anina Nagy veterinaria d'animals pitschens e gronds

Ella pratica d’animals a Giuvaulta, nua che Anina Nagy lavura, vegn per exempel fatg operaziuns chirurgicas, prendì davent tartagl u fatg consultaziuns radiologicas. Las praticas veterinarias tractian tenor ella adina dapli animals da chasa. Cunzunt durant corona haja blera glieud stuì star a chasa ed ha uschia fatg stim dal sa depurtar da lur animals.

audio
La veterinaria declera quant che possessuras e possessurs investeschan
03:15 min, Actualitad dals 01.09.2021.
laschar ir. Durada: 03:15 minutas.

Ils custs, il resultat e la prognosa

Il bainstar da l'animal duai adina esser il pli impurtant criteri per ina decisiun. Quai valia era sch’ins sa decidia per in’operaziun, di la dunna da 35 onns. I na saja betg mo da resguardar ils custs, mabain era il resultat da l’operaziun e la prognosa per l’animal. Ins sappia numnadamain betg declerar a l’animal daco ch’el haja mal. Perquai saja impurtant che l’animal pateschia uschè pauc sco pussibel.

En favur da l'animal

Problematic saja sch’in possessur na decidia betg en favur da l'animal perquai ch’el haja tema da perder quel. I stoppia esser ina decisiun per l’animal e betg perquai ch’il carstgaun haja tema da star enavos persul.

RTR actualitad 07:00

Artitgels legids il pli savens

Scrollar a sanestra Scrollar a dretga