Siglir tar il cuntegn

Header

cuntegn

Arabia Saudita Remo Stoffel cumpra firma da telecommunicaziun

La «Handelszeitung» rapporta che Remo Stoffel ha investì en la branscha da telefonia mobila. Il Grischun che stat a Dubai ha tenor medias saudiarabas da nov la participaziun da maioritad vi da l'interpresa Virgin Mobile Middle East and Africa.

L'interpresa ha radund trais milliuns clients e clientas en l'Arabia Saudita, en ils Emirats Arabs Unids, en l'Oman ed en il Kuwait. Ella è part da l'imperi d'interpresas dal milliardari Richard Branson.

Tenor la Handelszeitung ha Stoffel cumprà la Virgin Mobile Middle East sur sia societad d'investiziun Beyond One. La societad è ina filiala da la Priora Management Holding, nua che Stoffel è president dal cussegl administrativ. Part dal portfolio da Priora è Farnek Services che gestiunescha a Dubai tranter auter il Burj Khalifa.

Envers il «Blick» ha Stoffel avant curt menziunà che la Svizra na dettia gas endretg tar las tecnologias novas pervia dad «objecziuns e nossas leschas da protecziun da datas».

audio
Per tadlar: curt e cumpact
ord RTR Audio dals 11.02.2023.
laschar ir. Durada: 1 minuta 11 Secundas.

RTR novitads 20:00

Artitgels legids il pli savens