L'emprim abitant dal parc d'urs ad Arosa, l'urs Napa è mort. L'urs ha cuntanschì la vegliadetgna da 14 onns. Ils davos mais pativa el d'epilepsia. La mesemna en damaun hajan els perquai deliberà el dal patiment, scrivan la Fundaziun Urs Arosa e l'organisaziun Quatter pattas.
Passa dus onns è l'urs Napa stà ad Arosa, avant fascheva el part d'in circus en la Serbia. En la citad Srbobran viveva l'urs en il circus Corona, ch'è entant vegnì serrà, sut cundiziuns betg adequatas a la natira da l'animal.