Il Grischun ha dumbrà l'avust 638 persunas dischoccupadas, quai èn 21 pli pauc ch'il mais avant. La quota da dischoccupaziun munta a 0,6%. Quai ha communitgà l'Uffizi per industria, mastergn e lavur dal Grischun. La pli auta cifra ha la gastronomia cun 101 persunas dischoccupadas, suandà dal sectur da sanadad e social-esser (69 persunas) sco er da la branscha da construcziun (57 persunas).
Pervia da la buna situaziun d’occupaziun en il turissem ed en l’industria da construcziun noda il chantun Grischun dapi onns durant ils mais fanadur ed avust il dumber il pli bass da persunas dischoccupadas.
Situaziun en Svizra
En Svizra resta la dischoccupaziun sin in livel fitg bass. La quota da dischoccupaziun è stada l'avust tar 2%. Quai è vinavant uschè bass sco il davos avant passa 20 onns.
