La terza ediziun da la Biennale-Bregaglia perscrutescha il tema «Architectura ed ierts». Suenter in dialog avert cun la populaziun locala ha il curatori definì il vitg da Bondo sco lieu d'exposiziun.
La cuntrada da cultura è uschè ritga da las spezias: Ierts, champs, prads e guauds da differenta grondezza s'extendan enturn Bondo. Las lavurs da sanaziun ch'han cumenzà suenter la bova dal 2017 e che cuzzan enfin oz midan tant l'identitad architectonica sco er la cuntrada dal vitg e dattan bleras invistas.
Ina giuria internaziunala ha tschernì 10 intervenziuns d'art specificas d'artistas e d'artists naziunals ed internaziunals. In barat ed ina collavuraziun che dura enfin la fin da settember, dal segir cun in program ritg ed inscunters unics.
