La petiziun da la gruppa «Wolfshirten» cun 17'000 suttascripziuns è vegnida surdada a la cussegliera guvernativa responsabla per la chatscha, Carmelia Maissen. In che vesa critic quel giavisch è il biolog Marcel Züger. La regulaziun dal luf haja ina funcziun impurtanta, di el. Uschia possian ins tegnair sut controlla la populaziun dal luf, ma tuttina permetter trieps.
In punct ch'ils petiziunaris pretendan è dapli protecziun da las muntaneras. Tenor Züger fetschia il chantun gia bler per la protecziun en las Alps. Dentant saja quella protecziun pretensiusa.
La protecziun da muntaneras è suttapost per sbagls.
Crudadas da crappa, saivs ruttas, u nausch'aura lubeschan che lufs possian tuttina entrar.
Auter ch'ils petiziunaris vesa Züger er la participaziun da chatschadras e chatschaders. Tenor el fetschia senn dad integrar els a la regulaziun. En il Vallais saja la collavuraziun tranter uffizi e chatschaders anc pli stretga. Tar l'ultima regulaziun en il chantun Grischun han ils chatschaders sajettà dal rest dus lufs da total 48.
