Siglir tar il cuntegn

Header

cuntegn

Bova da Bondo 2017 Inquisiziun penala cunter tschintg persunas

La procura publica dal Grischun ha avert in'inquisiziun penala en connex cun la bova da Bondo. Quai scriva il Beobachter. La procura publica investigheschia cunter tschintg persunas pervia da mazzament per negligientscha en plirs cas. Pertutgadas sajan duas persunas da l'uffizi da guaud e privels da la natira dal chantun Grischun, in geolog extern e dus represchentants da la vischnanca da Bregaglia. Tranter quels è era la cussegliera naziunala da la Partida liberaldemocratica Anna Giacometti. Giacometti era da lez temp presidenta communala da la vischnanca da Bregaglia. Per tut ils pertutgads vala la presumziun d'innocenza.

L'avust 2017 aveva ina bova da crappa sutterà e mazzà otg persunas a Bondo. In'expertisa d'in geolog è il december passà vegnì tar la conclusiun che las unfrendas fissan stadas d'evitar. Quai cun serrar sendas da viandar en la regiun pertutgada.

audio
Per tadlar: curt e cumpact
ord RTR Audio dals 31.01.2024.
laschar ir. Durada: 1 minuta 15 Secundas.

RTR novitads 21:00

Artitgels legids il pli savens