Siglir tar il cuntegn

Header

cuntegn

Bregaglia Chattà cuntinuaziun per mazlaria Chiesa

Levgiament per il pèr Renato e Giannina Chiesa ch’ha manà durant passa 40 onns la mazlaria a Vicosoprano. Finalmain datti tuttina ina cuntinuaziun per l’affar en Val Bregaglia.

audio
Mazlaria Chiesa Bregaglia ha ina successiun
ord Actualitad dals 30.07.2022.
laschar ir. Durada: 2 minutas 28 Secundas.

 L’emprima soluziun per garantir che la mazlaria resta averta vinavant, n’aveva betg funcziunà il cumenzament da quest onn. Grazia a l’engaschament da la vischnanca Bregaglia ed ina gruppa da lavur sut la batgetta dal deputà dal Cussegl Grond Maurizio Michael, saja uss reussì da persvader ils dus mazlers dal Vnuost Raimund Wieser e Patrick Blaas da manar e garantir vinavant la gestiun da la mazlaria Chiesa.

Per la val è questa soluziun eminentamain impurtanta.
Autur: Maurizio Michael manader gruppa da lavur per salvar mazlaria en Val Bregaglia

Las duas societads purilas en val e la vischnanca da Bregaglia mettan a disposiziun il chapital da partenza da 100’000 francs per la nova societad anonima ch’è vegnida fundada. Quella surprendia l’immobiglia da la famiglia Chiesa a Vicosoprano. Ultra da quai duain er persunas privatas pudair s’engaschar tras la societad a favur da la mazlaria, uschè Maurizio Michael.   

La surdada da la mazlaria a Raimund Wieser e Patrick Blaas è prevesida per l’avust 2022.

 

RTR actualitad

Artitgels legids il pli savens

Scrollar a sanestra Scrollar a dretga