La Cassa da pensiun dal Grischun ha realisà l'onn 2021, ina rendita totala dad 8,3%. Contribuì il pli fitg a quest resultat han las aczias, cun ina rendita da prest 24%, sco la Cassa da pensiun dal Grischun communitgescha. Ins hajan per l'emprima giada en l'istorgia meds finanzials disponibels, radund 92 milliuns francs.
Adattar strategia
Cun questa nova situaziun da partenza vul la cassa da pensiun er adattar la strategia d'investiziuns. Per exempel vul la cumissiun d'administraziun rinforzar investiziuns persistentas, las investiziuns da la Cassa da pensiun grischuna en aczias ed en obligaziuns d'interpresas che s'orienteschan ad index.
Quels duain tscherner ed integrar las firmas las pli persistentas ed excluder interpresas d'energias fossilas ni interpresas cun activitads sin camps cuntravers sco tubac, alcohol, armas ni energia nucleara. Ultra da quai sappia la cassa da pensiun sco proprietaria da 64 immobiglias er direct contribuir a dapli persistenza, cun optimar il manaschi d'energia da sias immobiglias.
