Sviluppà en la halla da raiver
Ensemen cun ina amia ch’ella va adina a raiver ha ella fatg in plan da business. L’idea è quasi madirada en la halla da raiver. Las duas amias han chattà trais ulteriuras persunas ed han fundà «Cervo Volante».
Sper la biologa Conny Thiel sa cumpona il team uss d’ina managra da svilup, ina professuressa per design, ina experta da vendita ed in graficher. La stad passada han els avert la fatschenta da chalzers a la plazza Neumarkt a Turitg.
-
Bild 1 von 3. Il fundatur e las fundaturas da «cervo volante». Bildquelle: RTR, Claudia Cadruvi.
-
Bild 2 von 3. La chatschadura e biologa Conny Thiel è figlia d’in chalger – qua avant la stizun al Neumarkt. Bildquelle: RTR, Claudia Cadruvi.
-
Bild 3 von 3. Durant la chatscha en l’Engiadina ha Conny Thiel gì l’idea da far chalzers da pel-tscharva. Bildquelle: MAD.
Stget e net ecologic
Ma avant han els stuì surmuntar plirs obstachels. Survegnir las pels-tscharva n’è betg stà il problem. Quellas ha Cervo Volante simplamain rimnà tar mazlers en l’Engiadina, en Surselva, en il Partenz, a Son Gagl u en il Vallais.
Ma da chattar in cuntschader svizzer ch’è pront e chapabel da cuntschar las pels a moda ecologica, n’è betg stà simpel. La finala è ina cuntscharia en il chantun Berna stada pronta dad elavurar e colurar las pels-tscharva cun meds vegetals.
RR actualitad 11:00