Ecologia - Stivletta «Val Verda» – chalzer bass «Ivraina»

Design classic

Il design ha procurà ina da las fundaturas ch’è professuressa per design. Ella ha concepì models classics che n’èn betg suttaposts a la moda e pon vegnir purtads ditg.

audio

Mezdi: Producir in chalzer ecologic

03:44 min, ord Actualitad dals 30.07.2019.

laschar ir. Durada: 3 minutas 44 Secundas.

Il pli gugent avess Cervo Volante laschà cuser ils chalzers en Svizra – era per spargnar lungs viadis da transports che na sa cumportan betg cun l’idea d’ina producziun persistenta. Ma en Svizra na datti nagins chalgers pli che pudessan fabritgar in’entira collecziun.

1 / 5

Legenda: A Steffisburg en il chantun Berna datti ina gerbaria ch’ellavura las pels a moda ecologica. MAD

2 / 5

Legenda: Las pels-tscharva vegnan cunzunt dal Grischun. MAD

3 / 5

Legenda: In tagl classic tradiziunal n’è betg suttapost a la moda – era quai tutga tar il concept. MAD

4 / 5

Legenda: Il dessign deriva d’ina da las fundaturas. MAD

5 / 5

Legenda: Il chalger Silvano Sassetti producescha era per marcas renumadas. MAD

Chalger da num e pum

Cun Silvano Sassetti ha Cervo Volante la finala chattà en l’Italia in chalger da num e pum che producescha era per marcas renumadas sco Dior. Aposta per ils chalzers-tscharva ecologics sto Sassetti drizzar auter sias maschinas. Pertge ils chalzers èn fatgs entiramain da tgirom e vegnan cusids cun in spezial fil ecologic.

audio

Mezdi: La patria dal tgirom tschierv

02:53 min, ord Actualitad dals 30.07.2019.

laschar ir. Durada: 2 minutas 53 Secundas.

In brav pretsch

In chalzer fabritgà entir ed entratg a moda ecologica ha ses pretsch. Tgi che less cumprar in chalzer da Cervo Volante sto pajar tranter 400 fin 800 francs.

Cervo Volante venda ses products perquai en lieus ch’i dat clientella bainstanta. Sper la stizun al Neumarkt datti fatschentas a San Murezzan, Flem ed a Berna che vendan il chalzer ecologic cun num rumantsch.

RR actualitad 11:00