Legenda:
L'ambassadur Marc Thill (2. da san.), accumpagnà da Jan Dolezel / Christian Rathgeb (san.) e Claudio Riesen (dre).
Chanzlia chantunala dal Grischun
cuntegn
Chantun - Ambassadur dal Luxemburg sin visita tar regenza grischuna
L'ambassadur dal Luxemburg Marc Thill è vegnì beneventà la mesemna en la chasa grischa a Cuira dal president da la regenza Christian Rathgeb e dal chancelier Claudio Riesen. El è vegnì accumpagnà da Jan Dolezel, attasché per fatschentas politicas ed economicas.
La regenza grischuna tgira annualmain contacts cun represchentantas e represchentants da stadis esters en Svizra, scriva il chantun. Quests discurs sajan elements impurtants da las relaziuns dal chantun cun l'exteriur.
Cun ils stadis vischins e cun pajais che han relaziuns spezialas cun la Svizra e cun il Grischun vegnian savens discutadas dumondas specificas actualas. Autras visitas servian en emprima lingia a barattar experientschas sin il champ cultural, economic e politic.
Suenter il barat dals salids uffizials è in gentar cuminaivel stà sin il program.
