Legenda:
Arno Camenisch legia ord ses nov cudesch «Der letzte Schnee».
RTR / Flurin Clalüna
cuntegn
Chantun - «Der letzte Schnee» – la nova ovra dad Arno Camenisch
En ses 9avel cudesch va Arno Camenisch tar in runal da skis. Là èn dus umens tut il di en acziun, bain ch'il n'ha betg blers giasts. Uschè resta ad els temp per discurrer da dieu ed il mund, da pli baud u era da filosofar in pau. Enturn els lenta la paca naiv adina pli spert.
El e naschì a Tavanasa, stat però a Bienna. Là studegia el en l'institut da litteratura Svizzer. Ses emprim cudesch cul titel «Sez Ner» è vegnì or l'onn 2009. Dapi là ha el scrit otg ulteriurs cudeschs. Quels èn vegnids translatads en 20 linguas. El ha survegnì l'onn 2010 il premi da promoziun Grischun, l'onn 2012 il premi da litteratura Svizzer.
Paul e Georg sa numnan ils dus umens da la Surselva che lavuran tar in vegl runal da skis. Schon dapli decennis è quel ed er els en acziun. Ils umens sa regordan da la cursa da skis che aveva mintg'onn lieu, u d'in abitant dal vitg, ch'els han sepulì bain ch'el n'era betg mort.
Enturn els sa mida dentant bler. Il stgaudament dal clima lenta la naiv adina pli spert. Ils vadretgs vegnan adina pli pitschens, ils giasts adina pli rars, la glieud giuvna va davent dal vitg. Arno Camenisch raquinta en stil melancolic-umoristic da las midadas enturn dus umens, che paran da viver anc en temps da pli baud.
Bain ch'ella ha ina vart fitg legra èsi ina istorgia tragica. Ella tracta la midada dal clima, in tema che pertutga nus tuts.
Uschè il radio da Hessen en Germania. Surtut si'interessanta moda da raquintar ha fatg enconuschent el. Uschè era el schon a Honkong, Buenos Aires ed a New York per preleger ses cudeschs.
