L’Uffizi da persunal dal chantun Grischun survegn in nov schef. La regenza grischuna ha nominà Marco Blumenthal sco nov manader da l’uffizi. El succeda a Roger Danuser che maina l’uffizi ad interim dapi il mars da quest onn cura che la regenza e Fernando Guntern han decidì da terminar lur relaziun da lavur.
Marco Blumenthal abita a Malans ed è oriund da la Lumnezia. Sco che la regenza scriva, haja el passa 20 onns d’experientscha en il sectur da las resursas umanas. Dapi 22 onns lavura el per la Credit Suisse. Là ha el gì differentas funcziuns da cader. Marco Blumenthal surpiglia la nova funcziun a partir da l’onn che vegn e vegn ad esser respunsabel per var 3'800 collavuraturas e collavuraturs.